రాహుల్‌తో ఫోటోపై ట్రోల్స్.. బీజేపీకి నటి పూనమ్ స్ట్రాంగ్ కౌంటర్
దిశ, డైనమిక్ బ్యూరో: భారత్ జోడో యాత్రలో కాంగ్రెస్ నేత రాహుల్ గాంధీని శనివారం నటి పూనమ్ కౌర్ కలిసిన సంగతి తెలిసిందే. ఈ క్రమంలో వీరిద్దరూ నడిచే ఫొటోలు సోషల్ మీడియాలో వైరల్‌గా మారాయి. రాహుల్ గాంధీ, పూనమ్ చేతులు పట్టుకొని నడవడంపై బీజేపీ మహారాష్ట్ర నాయకురాలు ప్రీతీ గాంధీ విమర్శించారు. వారిద్దరూ నడుస్తున్న ఫొటోను షేర్ చేస్తూ.. తన ముత్తాత అడుగుజాడల్లో నడుస్తున్నారంటూ ట్వీట్ చేశారు. ఈ ఫొటో కాస్తా సోషల్ మీడియాలో వైరల్‌గా మారడంతో పలువురు ప్రముఖులు సైతం ఆగ్రహం వ్యక్తం చేశారు.
ప్రీతీగాంధీ చేసిన పోస్ట్‌పై తాజాగా పూనమ్ కౌర్ స్పందించారు. ఇది మిమ్మల్ని మీరే కించపరుచుకున్నట్టుగా ఉందని.. ప్రధాని మోడీ సైతం నారీశక్తి గురించి మాట్లాడారని చెప్పారు. తాను బ్యాలెన్స్ తప్పి కింద పడుతున్నపుడు ఆయన తన చెయ్యి పట్టుకున్నారని పూనమ్ స్పష్టం చేస్తూ.. ప్రీతీ ట్వీట్‌ను రీట్వీట్ చేశారు. ఇక ప్రీతీ చేసిన వ్యాఖ్యలపై పలువురు కాంగ్రెస్ నేతలతో పాటు, శివసేన ఎంపీ ప్రియాంక చతుర్వేదీ కూడా మండిపడ్డారు. కాగా, శనివారం యాత్రలో రాహుల్ కలిసిన పూనమ్ చేనేత కార్మికుల సమస్యలపై చర్చించారు.
ఓవర్ డోస్ డ్రగ్స్ తీసుకున్న బాలీవుడ్ హీరో.. రెండు రోజులుగా నిద్రలోనే..
ఎమ్మెల్యేల కొనుగోలు వ్యవహారం.. కేసీఆర్ సెన్సేషనల్ కామెంట్స్
